სპორტისა და ახალგაზრდობის საქმეთა მინისტრმა ტარიელ ხეჩიკაშვილმა ბავშვთა და ახალგაზრდობის ეროვნული ცენტრის ხელმძღვანელის პოსტზე გიორგი გაბელია წარადგინა.
როგორც “თაიმერს” სპორტისა და ახალგაზრდობის საქმეთა სამინისტროდან აცნობეს, მინისტრი და ცენტრის ახალი ხელმძღვანელი თანამშრომლებს შეხვდნენ და სამომავლო გეგმებზე ისაუბრეს.
“ბავშვთა და ახალგაზრდობის ეროვნული ცენტრი სახელმწიფო ახალგაზრდული პოლიტიკის ძირითად მიმართულებათა შესაბამისად საქართველოს ახალგაზრდობის ინტელექტუალური, პიროვნული, პროფესიული და ფიზიკური პოტენციალის გამოვლენის, ფორმირებისა და განვითარებისათვის შესაბამისი პირობების შექმნას ისახავს მიზნად”, – აცხადებენ სამინისტროში.
