საპარლამენტო უმრავლესობის წევრი, ანი მიროტაძე იური ვაზაგაშვილის საქმეზე პროკურატურისგან არგუმენტირებულ მტკიცებულებებს ელოდება და ასევე აცხადებს, რომ მკვლელობის ჩადენა მოქმედი სამართალდამცველის მხრიდან შინაგან საქმეთა სამინისტროს სტრუქტურაში სისტემური პრობლემის არსებობაზე მიუთითებს.
„ყველაზე მძიმე ამ საქმეში არის ის, რომ ამ ქვეყანაში მოქალაქე მოკლა მოქმედმა სამართალდამცველმა, რაც ნიშნავს, რომ ეს არ არის ჩემთვის მხოლოდ გია სოსანაშვილის მიერ ჩადენილი დანაშაული. მე ვფიქრობ, რომ ჩვენ საქმე გვაქვს სისტემურ პრობლემასთან, რომელიც უკავშირდება შინაგან საქმეთა სამინისტროს,“ – განაცხადა მიროტაძემ.