საქართველოს პრეზიდენტი გიორგი მარგველაშვილი ნეპალში მომხდარი ტრაგედიის გამო მწუხარებას გამოთქვამს. აღნიშნულთან დაკავშირებით ქვეყნის პირველი პირი სოციალურ ქსელში განცხადებას აკეთებს. “გამოვთქვამ ღრმა მწუხარებას ნეპალში მომხდარ ტრაგედიასთან დაკავშირებით, რომელსაც 600-ზე მეტი ადამიანის სიცოცხლე ემსხვერპლა. ამ უაღრესად მძიმე წუთებში თანაგრძნობასა და თანადგომას ვუცხადებ დაღუპულთა ოჯახებსა და ნეპალელ ხალხს”, – წერს პრეზიდენტი “ფეისბუქში”.