თბილისში, თამარ მეფის გამზირზე, N13-ში მდებარე “საქართველოს ბანკის” ერთ-ერთი ექსპრესცენტრი დააყაჩაღეს. ბანკის პრესსამსახურის ინფორმაციით, ერთი შეიარაღებული ნიღბიანი პირი ფილიალში გამთენიისას შეიჭრა და გარკვეული თანხის წაღება მოახერხა. სავარაუდოდ, თანხა მცირე რაოდენობის უნდა იყოს, თუმცა ზუსტი ოდენობა უცნობია.
ბანკის წარმომადგენლების განცხადებით, ფილიალს დაცვის სამსახური იცავს და უსაფრთხოების სამსახურის თანამშრომლებმა დროული რეაგირება მოახდინეს.