საუდის არაბეთმა და მისმა პერსიის სრუტის მოკავშირეებმა იემენში საომარი ოპერაციები დაიწყეს, სადაც შიიტი ამბოხებულები განაგრძობენ შეტევებს.
კოალიციამ გადაწყვიტა პრეზიდენტ ხადის მოწოდებას, გადაარჩინოს იემენი გამოეხმაუროს – ციტირებს ფრანს პრესი საუდის არაბეთის, გაერთიანებული ემირატების, კუვეიტის, ბაჰრეინის და კატარის განცხადებას.
საუდის არაბეთის თქმით, მოკავშირეები ჰაერიდან დაიწყებენ შეტევას. მისი განცხადებით, კოალიცია ათი ქვეყნისგან შედგება. მათ იემენის საჰაერო სივრცე ფრენებისთვის დახურულ ზონად გამოაცხადეს.
ჰუსიტების განცხადებით, კოალიციის მიერ განხორციელებულმა ავიადარტყმებმა ომი შესაძლებელია უფრო მასშტაბური გახადოს არა მხოლოდ ქვეყანაში, არამედ რეგიონში.
