აღდგომის ბრწინვალე დღესასწაულთან დაკავშირებით დღესაც ისევე როგორც გუშინ, ავტობუსები იმოძრავებს დედაქალაქის 8 სასაფლაოს მიმართულებით.
ამისათვის 50 ავტობუსია გამოყოფილი. ტრანსპორტი მოსახლეობას დილის 7-დან საღამოს 7 საათამდე უფასოდ მოემსახურება.
უფასო ავტობუსები მეტრო დიდუბიდან გავა – მუხათგვერდისა და ვაშლიჯვრის სასაფლაოების მიმართულებით.
მარჯანიშვილიდან და სადგურის მოედნიდან – კუკიისა და მახათას სასაფლაოებისკენ.
დელისიდან – საბურთალოს სასაფლაოს, სარაჯიშვილიდან – თბილისის ზღვის მიმართულებით.
ავტობუსები იმოძრავებენ ჭიჭინაძის ქუჩიდან ვერის სასაფლაოსკენ, ხოლო ვარკეთილის სასაფლაოზე კი უფასო ტრანსპორტი მოსახლეობას მეტრო ვარკეთილიდან და მესამე მასივის, შუამთის ქუჩის მეათე კვარტლიდან მოემსახურება.
