ქობულეთში საპატრულო პოლიციის ავტომობილი მგზავრთა მოსაცდელს შეეჯახა. ინფორმაციას შინაგან საქმეთა სამინისტროში ადასტურებენ.
გავრცელებული ინფორმაციით, სამართალდამცველი მოქალაქეს სისწრაფეში ეჯიბრებოდა, რა დროსაც აღნიშნული ინციდენტი მოხდა.
შსს-ს ინფორმაციით, მომხდართან დაკავშირებით მიმდინარეობს რამდენიმე სახის ექსპერტიზა, რაც ავარიის გამომწვევ მიზეზს დაადგენს. შემთხვევა რამდენიმე დღის წინ მოხდა.
გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.