საქართველოს საპატრიარქოს მთავრობის სარეზერვო ფონდიდან 150 000 ლარი გამოეყო. პრემიერ-მინისტრის მიერ ხელმოწერილი შესაბამისი განკარგულება მთავრობის ვებ-გვერდზე გამოქვეყნდა.
როგორც დოკუმენტშია განმარტებული, საპატრიარქოს თანხა მისი ქვემდებარე სასწავლო დაწესებულების − თბილისის სასულიერო აკადემიისა და სემინარიის სასწავლო პროცესის შეუფერხებლად განხორციელების მიზნით გამოეყო.