სანკტ პეტერბურგში დღეს გამართულ ფორუმთან დაკავშირებით, რუსულ სოციალურ ქსელებში და დამოუკიდებელ მედიაში დღის ბოლოს დაიწყო ინფორმაციებმა გავრცელება…
ფორუმი, რომელსაც რუსი ჟურნალისტის ლეონიდ რაგოზინის განმარტებით დაფინანსებაზე ეტყობა, რომ რუსეთის ხელისუფლების დახმარებითაა მოწყობილი, სანკტ პეტერბურგის სასტუმრო ,,ჰოლიდეინ,,ში იმართება და მისი სახელწოდებაა ,,საერთაშორისო რუსული კონსერვატიული ფორუმი,,
ფორუმის ოფიციალურ ორგანიზატორებად რუსული ნეონაცისტური პარტია ,,როდინა,, და ,,რუსული ნაციონალური კულტურის ცენტრი,, ითვლება, ხოლოს სტუმრებად კი, რამდენიმე ევროპული ულტრამემარჯვენე ნეონაცისტური ორგანიზაციები არიან, ისეთები როგორიცაა ბერძნული ,,ოქროს განთიადი,, შვედური ,,შვედების პარტია,, იტალიური ,,ნაციონალური დემოკრატია,, ბულგარული ,,შეტევა,, და სხვები.
სასტუმროსტან ახლოს, სადაც ნეონაცისტების შეკრება ტარდება, საპროტესტო აქცია მოაწყო ანტიფაშისტური ორიენტაციის 40-მდე აქტივისტმა, რომელთაც ფორუმის ჩატარება გააპროტესტეს, თუმცა პოლიციამ ისინი მალევე დაშალა და ზოგიერთი მათგანი დააკავეს კიდეც…
გავრცელებული ინფორმაციით, ნაცისტების ფორუმი, რომელიც მსოფლიოში პირველად ტარდება, რუსეთის ხელისუფლების და პირადად სერგეი ლავროვის პატრონაჟითა ტარდება… რაც ფორუმის მონაწილეთა მიერ ანტი-ისლამისტურთან ერთად, ანტი-ამერიკული და ანტი-ნატოური განცხადებებითაც დასტურდება.
რუსი ბლოგერები და დამოუკიდებელი რუსი ჟურნალისტები, ფაშიზმზე გამარჯვების 70-ე წლისთავის აღნიშვნამდე თვენახევრით ადრე, რუსეთში მსგავსი ნაცისტური ფორუმის აღნიშვნას, რუსეთის ხელისუფლების დიდ სირცხვილად და ორმაგი სტანდარტების აფიშირებად განიხილავენ. რუსეთის ხელისუფლება, რომელიც უკრაინელებს ადანაშაულებდა ფაშიზმში, ტავად მასპინძლობს ფაშისტურ ფორუმებს, აცხადებენ რუსი უფლებადამცველები.
თავად რუსეთის სახელისუფლო ელიტა… ამ დრომდე ფორუმთან დაკავშირებით კომენტარს არ აკეთებს.
