ანტიკორუფციული სააგენტოს თანამშრომლებმა განსაკუთრებით დიდი ოდენობის ნარკოტიკების უკანონოდ შეძენა-შენახვისა და საქართველოში უკანონოდ შემოტანის ბრალდებით სომხეთის მოქალაქე დააკავეს.
ის თბილისში აიყვანეს. გამოძების ინფორმაციით, ბრალდებულმა ნარკოტიკები ქვეყანაში საბაჟო გამშვებ პუნქტ „სადახლო“-ს გავლით, ავტომანქანის გაუქმებული ავზით გადმოიტანა.
სამართალდამცველების ცნობით მათ დაკავებისას 57 კილოგრამზე მეტი ოდენობის ნარკოტიკული საშუალება ამფეტამინი ამოიღეს.
