ფოთში, სამართალდამცველების მიერ კონჯარიების ოჯახის დევნილთა საცხოვრებელიდან გამოსახლებასთან დაკავშირებით კომენტარი ზუგდიდში გაკეთდა.
საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების სამინისტროს აჭარა,სამეგრელო – ზემო სვანეთის ტერიტორიული ორგანოს მოვალეობის შემსრულებლის დათო ნარსიას განცხადებით გამოსახლების პროცედურა აბსოლიტურად კანონის სრული დაცვით ჩატარდა.
“ვერ დაეთანხმები იმ მოსაზრებასაც რომ დაირღვა დევნილის უფლებები.უფრო მეტიც ეს ოჯახი ამ დრომდე ცხოვრობდა ე.წ. ” ხომერიკების სასტუმროში” მათ ამ ჩასახლებაში გააჩნიათ საცხოვრებელი ფართი.ამასთან ერთად ამ ოჯახს შევსებული აქვს აპლიკაცია კერძო სახლის შესყიდვაზე და მინიჭებული აქვს 4, 5 ქულა–განაცხადა “თაიმერთან” ნარსიამ. მისივე თქმით კანონმდებლობით აღნიშნული ოჯახი იმსახურებს სამ ოთახიან ბინას. თუ ისინი დაგვთანხმდებიან ორ ოთახიანი ბინის მიღებაზე ჩვენ ამ წინადადებასაც განვიხილავთ. ჩვენ ვერ დავაღვევთ დევნილის უფლებებს, რადგან აღნიშნული ფართი სხვა დევნილის კუთვნოლებაა.
შეგახსენებთ, რომ რამდენიმე დღის წინ ფოთში სამართალდამცველებმა დევნილთა საცხოვრებელიდან კონჯარიების ოჯახი უკანონოდ მითვისებული საცხოვრებელი სახლიდან გამოასახლეს. გამოსახლების დროს სახლში მცირეწლოვანი ბავშვი და მოხუცი იმყოფებოდა.