რუსულ ტელეკომპანია ,,დოჟდის,, ჟურნალისტ ქსენია სობჩაკისათვის მიცემულ ინტერვიუში ოდესი გუბერნატორმა მიხეილ სააკაშვილმა, ოდესა 90-ანი წლების საქართველოს შეადარა… ,,ოდესის ოლქი ძალიან გავს 90-ანი წლების საქართველოს… აქ ისეთივე კორუფციაა და ისეთივე კრიმინალი, როგორიც მაშინ საქართველოში იყო,, განაცხადა სააკაშვილმა.
სააკაშვილმა ასევე ისაუბრა მისი საქართველოდან წასვლის შესახებ და განაცხადა, რომ მის დროს დიქტატურა არ ყოფილა და არც პოლიტპატიმრები, მაგრამ ახლა საქართველოში პოლიტპატიმრები არიან… ,,მე გადავდექი და წამოვედი… დიქტატორები კი თავისით არ მიდიან… რეჟიმი არ მიდის, რეჟიმს ამხობენ. პუტინმა 2 მილიარდი მისცა ივანიშვილს წინასაარჩევნოდ ჩვენს დასამარცხებლად,, განაცხადა სააკაშვილმა.
,,როგორ გგონიათ, სად არის ყველაზე რთული მონაკვეთი? ეს ოდესაშია… ოდესა, რომ დაეცეს საქართველო რუკიდან წაიშლება… აქ იმიტომ წამოვედი, რომ აქ ფრონტის ხაზი გადის… თითქმის მილიარდ დოლარს ოდესის საბაჟოზე იპარავენ ყოველწლიურად. აქ წესრიგია დასამყარებელი,, აცხადებს სააკაშვილი.
