რუსთავის მერმა დავით ჯიქიამ და ქვემო ქართლის გუბერნატორმა პაატა ხიზანაშვილმა რუსთავის მუნიციპალურ მოხუცთა სახლ “ქსენონში” მცხოვრებ ქალბატონებს 8 მარტი მიულოცეს. ქალაქისა და მხარის პირველმა პირებმა მოხუცები პირადად მოინახულეს და სარვამარტო თაიგულებთან ერთად, სიმბოლური საჩუქრები და ტკბილეული გადასცეს.
“დღეს ტრადიციისამებრ ვესტუმრეთ “ქსენონს” და ჩვენს მოხუცებს მივულოცეთ ქალთა საერთაშორისო დღე – 8 მარტი. ქალაქის ხელმძღვანელობა ყოველთვის ცდილობს სითბო და მზრუნველობა არ მოაკლოს მათ, დღეს კიდევ ერთხელ მოვეფერეთ ჩვენს მოხუცებს და დღესასწაული სიმბოლური საჩუქრებით მივულოცეთ”, – განაცხადა რუსთავის მერმა დავით ჯიქიამ.
რუსთავის მერიის ორგანიზებით, დღესვე გიგა ლორთქიფანიძის სახელობის დრამატულ თეატრში ქალთა საერთაშორისო დღისადმი მიძღვნილი კონცერტიც გაიმართა. კონცერტზე მისულ თითოეულ ქალბატონს ქალაქის ხელმძღვანელობამ 8 მარტი ყვავილებით მიულოცა. სარვამარტო კონცერტს რუსთაველ ქალბატონებთან ერთად, ქალაქის მერი და ქვემო ქართლის გუბერნატორიც დაესწრნენ.
