რუსეთის მოსახლეობის 72 % საპრეზიდენტო არჩევნებში ხმას კვლავაც მოქმედ პრეზიდენტს, ვლადიმერ პუტინს მისცემდა. “რია ნოვოსტის” ინფორმაციით, ამას მოწმობს რუსეთის “საზოგადოებრივი აზრის” მიერ 31-იანვარსა და 1-ელ თებერვალს რუსეთის 64 სუბიექტში ჩატარებული კვლევა, რომლის დროსაც 3000 ადამიანი გამოიკითხა.
მანამდე, სულ რამდენიმე დღით ადრე – 25 იანვრის მონაცემებით, პუტინისთვის ხმის მიცემას 70 % აპირებდა.
გაიზარდა იმ ადამიანების პროცენტუილი მაჩვენებელი, ვინც რუსეთის მოქმედ პრეზიდენტს ენდობა – 42 %, 25 იანვრის გამოკითხვაში ეს მაჩვენებელი დაბალი იყო – 39 %.
აღსანიშნავია, რომ გამოკითხვებში პუტინის შემდეგ პოზიციაზეა რუსეთის ლიბერალ-დემოკრატების ლიდერი ვლადიმერ ჟირინოვსკი, რომლის პრეზიდენტობაც გამოკითხულთა 5 %-ს სურს. მესამე ადგილზეა რუსი კომუნისტების ლიდერი გენადი ზიუგანოვი ხმათა 4 %-ით.