გაგრის რაიონის სოფელ ჩაგრიფშში თითქმის ნახევარი ჰექტარი ტყე დაიწვა. ცეცხლის ჩაქრობას სახანძროს სამი ბრიგადა ცდილობდა. რთულად მისასვლელი ადგილების გამო, ხანძარი ფაქტობრივად სულ ხელით გახდა ჩასაქრობი. ხანძრის მიზეზი უყურადღებოდ დატოვებული კოცონი გახდა.
მეხანძრეების თქმით, ხანძრის მიზეზი ხშირ შემთხვევაში ადამიანების მიერ უყურადღებოდ დატოვებული ცეცხლია.
ახალი რეგულაციებით, სახანძრო უსაფრთხოების დარღვევის გამო ყველა დამნაშავე პირი ადმინისტრაციული და სისხლის სამართლის პასუხისგებაში მიეცემა.
