ბათუმში 27 წლის მშობიარე გარდაიცვალა. ახალგაზრდა ქალმა მეოთხე ბავშვზე ბათუმის სამშობიარო სახლში იმშობიარა. ექიმების თქმით, ახალშობილი თავს ნორმალურად გრძნობს.
„პაცინტი როცა საავადმყოფოში შემოიყვანეს, მძიმე ანემია ჰქონდა და გადავიყვანეთ კლინიკა „მედინაში“, სადაც მისი მდგომარეობა კიდევ უფრო დამძიმდა. ზუსტად რა გახდა მისი გარდაცვალების მიზეზი, ჩვენთვის უცნობია“, – აცხადებს ბათუმის სამშობიარო სახლის დირექტორი ნუკრი ბეჟანიძე.
