პეკინის ქუჩაზე მომხდარი ავარიის მიზეზი, სავარაუდოდ, მძღოლის გარდაცვალება გახდა. როგორც შინაგან საქმეთა სამინისტროში აცხადებენ, „ოპელის“ მარკის ავტომობილის მძღოლი, სავარაუდოდ, შეჯახებამდე გარდაიცვალა, რის შემდეგაც, ავტომობილი „ფორდის“ მარკის ავტომობილს შეეჯახა.
მომხდარზე სისხლის სამართლის საქმე 276-ე მუხლით არის აღძრული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ავარიის ზუსტ მიზეზს გამოძიება დაადგენს.
