ბორის ნემცოვის პატივსაცემად სამგლოვიარო მარში მოსკოვში, დღეს, 15:00 საათზე გაიმართება. ამის შესახებ ერთ-ერთმა ოპოზიციონერმა, ლეონიდ ვოლკოვმა “ტვიტერის” საკუთარ გვერდზე დაწერა.
რუსი ოპოზიციონერები პირველ მარტს ანტიკრიზისული მარშის გამართვას გეგმავდნენ, თუმცა, ნემცოვის მკვლელობის გამო აქციის გამართვა გადაიდო და ორგანიზატორებმა მოსკოვის მერიაში გამართული მოლაპარაკებების შედეგად დედაქალაქის მთავრობა სამგლოვიარო ღონისძიების ჩატარებაზე დაითანხმეს.
