ვესტერ ლი ფლანაგანმა, რომელმაც ვირჯინიის შტატში პირდაპირ ეთერში მოკლა WDBJ7-ის ჟურნალისტი და ოპერატორი, საკუთარ ავტომანქანაში შეეცადა თავი მოეკლა. ის პოლიციამ დააკავა. გავრცელებული ინფორმაციით ფლანაგანი დაჭრილია და მისი მდგომარეობა მძიმეა. “პოლიციამ მანქანაში ცეცხლსასროლი იარაღით დაჭრილი მამაკაცი აღმოაჩნა. მიმდინარე მომენტში ის საავადმყოფოშია გადაყვანილი, სადაც მას სამედიცინო დახმარებას უწევენ” – ნათქვამია პოლიციის მიერ გავრცელებულ განცხადებაში.
გავრცელებული ინფორმაციით, ვესტერ ლი ფლანაგანი მოკლულების კოლეგა და მეგობარი იყო. სხვა დეტალები ჯერჯერობით არ ვრცელდება.
