“ანტიკორუფციული პალატის” წარმომადგენელები საქართველოს პრეზიდენტს უზენაესი სასამართლოს თავმჯდომარის პოსტზე ბათუმის საქალაქო სასამართლოს თავმჯდომარის დავით მამისეიშვილის კანდიდატურას სთავაზობენ.
განცხადება ამის შესახებ დღეს გაკეთდა.
დღესვე “ადვოკატთა ასოციაციის თავმჯდომარემ” ორგანიზაციის გეგმებზე და კანდიდატურაზე ილაპარაკა.
როგორც ზაზა ხატიაშვილი ამბობს, მათ ყველაზე სუფთა და აპოლიტიკური კანდიდატი ეყოლებათ.
„ვფიქრობ, რომ უზენაესი სასამართლოს თავმჯდომარე ასეთი ადამიანი უნდა იყოს. თუ ამ ქვეყანაში შეთანხმდებიან, რომ მაინცდამაინც პოლიტიკოსი უნდა წარადგინონ, ერთადერთი ასეთი პოლიტიკოსი კანდიდატი შეიძლება იყოს ზაქარია ქუცნაშვილი,” – აცხადებს ხატიაშვილი.
