აშშ-ში ვიზიტად მყოფი საქართველოს პრეზიდენტი გუშინ რუსთავი 2-ის ირგვლივ განვითარებულ მოვლენებზე პირველ განცხადებას აკეთებს. სახელმწიფოს მეთაური ყველას, ვისაც ეს საკითხი ეხება, შექმნილ კითხვებზე სასწრაფოდ დამაჯერებელი პასუხის გაცემას სთხოვს.
„ჩვენ ვხედავთ, რომ ბოლო დღეების განმავლობაში რუსთავი 2-ის ეფექტურ მუშაობას შეექმნა სირთულეები. მე მოვუწოდებ ყველას, ვინც პირდაპირ ან ირიბად არის დაკავშირებული ამ საკითხთან, გასცეს დამაჯერებელი პასუხები შექმნილ შეკითხვებს. ყველას უნდა გვახსოვდეს, რომ თავისუფალი მედია არის თანამედროვე საქართველოს უზენაესი ღირებულება,“ – აცხადებს გიორგი მარგველაშვილი.
