რუსეთის მოქმედებები სირიაში მხოლოდდამხოლოდ კონფლიქტის ესკალაციას იწვევენ – ამის შესახებ აშშ-ს თავდაცვის მინისტრმა ეშტონ კარტერმა ისაუბრა.
“რუსეთი თავისი მოქმედებებით სამოქალაქო ომის გაღრმავებას უწყობს ხელს” – განაცხადა პენტაგონის შეფმა. მან მოსკოვის მიერ სირიის ლიდერის ბაშარ ასადის მხარდაჭერა ჩაძირვის პირას მყოფი გემის გამობმას შეადარა.
აშშ-ს კოალიცია რუსეთს ბრალს სდებს სირიის ოპოზიციის და მშვიდობიანი მოსახლეობის დაბომბვაში. “რუსები ყველაფერს ბომბავენ ისლამური სახელმწიფოს გარდა” – რამდენიმე დღის წინ ასე შეაფასა აშშ-ს პრეზიდენტმა რუსეთის მოქმედება სირიაში.
რუსებმა სირიაში სამხედრო ოპერაცია 30 სექტემბერს დაიწყეს.