კანონმდებლებმა კენჭისყრაზე საქართველოს მთავრობის მიერ შემოთავაზებული ინიციატივა გაითვალისწინეს და საბოლოოდ 75 ხმით საჯარო სამსახურის შესახებ კანონი მიიღეს.
ცვლილებით ახლებურად განისაზღვრა და დარეგულირდა საჯარო სამსახურის ირგვლივ წარმოშობილი ურთიერთობები. შემუშავდა საჯარო სამსახურის სფეროში ერთიანი სახელმწიფო პოლიტიკა, ასევე, საბჭოს შემადგენლობა და ფორმიერება, საჯარო სამართლის სფეროში საქმიანობის კოორდინაციის ხელშეწყობა და სხვა უფლებამოსილებების განხორციელების მიზნით საჯარო სამართლის იურიდიული პირის საჯარო სამსახურის ბიუროს შექმნა.
კანონპროექტით წესდება ისეთი რეგულაციებიც, როგორიცაა საჯარო სამსახურში თანამდებობათა კლასიფიცირება, მოხელის თანამდებობაზე მიღებისა და მისი სამსახურიდან გათავისუფლების საფუძვლები და პირობები.