პარლამენტი ბიუჯეტს 6 მილიონი ლარით შეიმცირებს. ამის შესახებ განცხადება დღევანდელ ბიუროს სხდომაზე დავით უსუფაშვილმა გააკეთა.
„ხაზინადართა საბჭომ იმსჯელა პარლამენტის ბიუჯეტის საკითხზე და ჩვენ გამოვძებნეთ 6 მილიონი ლარი, რომლითაც შეიძლება შემცირდეს პარლამენტის მიმდინარე წლის ბიუჯეტი, როგორც ერთჯერადი ღონისძიება და დღეს ვაცნობებთ მთავრობას,“ – განაცხადა დავით უსუფაშვილმა.
საკანონმდებლო ორგანო პირველი სახელმწიფო უწყებაა, რომელმაც ბიუჯეტის შეკვეცის შესახებ კონკრეტული გადაწყვეტილება მიიღო და გაახმაურა.