პარიზის აღმოსავლეთით, ვენსენის გარეუბანში მდებარე ქაშერულ სასურსათო მაღაზიაში შეიარაღებული პირის შეჭრის შემდეგ, სულ მცირე ერთი ადამიანი დაშავდა.
ფრანგული მედიის ინფორმაციით, მაღაზიაში შეჭრილ შეიარაღებულ მამაკაცს, სავარაუდოდ, ხუთი მძევალი ჰყავს აყვანილი. დაუზუსტებელი ინფორმაციით, მაღაზიაში შეჭრილი მამაკაცი ის თავდამსხმელია, რომლის მიერ განხორციელებული გასროლის შედეგადაც პოლიციელი ქალი გარდაიცვალა.
