პარიზში საცხოვრებელ კორპუსში გაჩენილი ხანძრის შედეგად 8 ადამიანი დაიღუპა. ცეცხლი გამთენიისას პირველ სართულს მოედო და სწრაფად გავრცელდა.
ორი ადამიანი, თავის გადარჩენის მიზნით, ფანჯრიდან გადმოხტა და დაიღუპა, დანარჩენი 6 კი უშუალოდ ხანძარს ემსხვერპლა. გარდაცვლილთა შორის ორი ბავშვია.
ხანძარს, რომლის გამომწვევი მიზეზიც ამ დრომდე უცნობია, 100–მდე მაშველი აქრობდა. მათ 4 ადამიანიც გადაარჩინეს, თუმცა რამდენიმე დაშავებული კრიტიკულ მდგომარეობაშია.
