„პაპუაშვილი მიშას მარიონეტი, საკონსტიტუციო სასამართლო მკვლელების ადვოკატი“ – ამ შინაარსის ტრანსფარანტებით დღეს საკონსტიტუციო სასამართლოსთან მორიგი საპროტესტო აქცია გაიმართა.
აქციაში მონაწილეობდნენ პროგრესული საქართველოსა და სხვა არასამთავრობო ორგანიზაციების წარმომადგენლები. ისინი გიორგი პაპუაშვილის გადადგომას ითხოვენ და ამბობენ, რომ საკონსტიტუციო სასამართლოს მიერ მისი თავმჯდომარეობის პერიოდში მიღებული გადაწყვეტილებები ვერ იქნება ობიექტური, რადგან იგი ნაციონალური მოძრაობის დაკვეთებს ასრულებს.