სსრკ-ს ყოფილი პრეზიდენტი მიხეილ გორბაჩოვი დასავლეთს და რუსეთს ნდობის აღდგენისა და დიალოგისკენ მოუწოდებს. “მე ჩვენს ყველა ლიდერს მოვუწოდებ გამოიჩინონ გონიერება და პასუხისმგებლობა ნდობის აღდგენის და დიალოგის საქმეში” – განაცხადა გორბაჩოვმა ვილფრიდ შარნალგიას წიგნის “კურსის შეცვლის” პრეზენტაციაზე.
ყოფილმა საბჭოთა ლიდერმა გერმანულ-რუსულ ურთიერთობებზეც ისაუბრა და თქვა, რომ მეორე მსოფლიო ომის შემდეგ მოსკოვი და ბერლინი მაინც მივიდნენ თანამშრომლობამდე იმის მიუხედავად, რომ “ყველა თვლიდა, რომ რუსები და გერმანელები არასდროს იურთიერთობდნენ” – გორბაჩოვის სიტყვებს ციტირებს მედია. მისი აზრით, უახლოეს მომავალში ორივე მხარემ უნდა განაცხადოს თანამშრომლობისთვის მზაობა.
ექს-პრეზიდენტმა ასევე თქვა, რომ რამდენიმე დასავლელი პოლიტიკოსის განცხადება იმასთან დაკავშირებით, რომ უნდა გადაიხედოს რუსეთთან თანამშრომლობა, უნდა გაღრმავდეს და გაძლიერდეს.