გუშინ გვიან ღამით, 26 წლის ახალგაზრდა ოზურგეთში, გუბერნიის შენობის წინ დაჭრეს. გავრცელებული ინფორმაციით, მას რამდენიმე უცნობი პირი თავს ფულის გამოძალვის მიზნით დაესხნენ. დაჭრილი ნესტორ მახარაძე, 26 წლისაა და ის ერთ-ერთი ბანკის თანამშრომელია.
“1989 წელს დაბადებული ნესტორ მახარაძე სამედიცინო ცენტრში დღეს დილის 5:00 საათზე შემოიყვანეს. მას აღენიშნებოდა ნაჩხვლეტი-ნაკვეთი ჭრილობები, მათ შორის მარცხენა ბარძაყის არეში, ჭრილობები იყო გულ-მკერდის და ზურგის არეში. სხვადასხვა ზომის და სიმძიმის სულ 7 ჭრილობა. პაციენტი იყო დაკვირვების ქვეშ, დაუმუშავდა ჭრილობები, გაუკეთდა მუცლის ღრულ ექოსკოპია და დამაკმაყოფილებელ მდგომარეობაში დღეს დილით გაეწერა ბინაზე“, – განაცხადა სამედიცინო ცენტრის ქირურგმა, დავით დოლიძემ.
მომხდარზე გამოძიება 118 მუხლის პირველი ნაწილით მიმდინარეობს, რაც სხეულის განზრახ, ნაკლებად მძიმე დაზიანებას გულისხმობს.
щя
