“სამწუხაროდ ქვეყანა იმართება კულვარებიდან,”- ასე გამოეხმაურა გაერთიანებული დემოკრატების ლიდერი ნინო ბურჯანაძე ყოფილი პრემიერ-მინისტრის ბიძინა ივანიშვილის დღევანდელ განცხადებას.
“ივნიშვილისთვის საზოგადოებას ნდობა არ გამოუცხადებია იმისთვის, რომ ის ყოფილიყო მორიგი პოლიტიკური მოთამაშე, თუნდაც ძალიან მდიდარი. მას ხალხმა მისცა მანდატი, რომ მოეგვარებინა პრობლემები და შეესრულებინა დაპირებები. საპასუხოდ დღეს მივიღეთ არანორმალური მდგომარეობა.ხელისუფლება იმართება კულვარებიდან,”- განაცხადა გაერთიანებული დემოკრატების ლიდერმა ნინო ბურჯანაძემ.
