,,მიყვარს რუსეთი… ხალხი, სამზარეულო და რუსული არაყი,, აცხადებს საფრანგეთის ყოფილი პრეზიდენტისა და ამჟამად მთავარი ოპოზიციური პარტიის ლიდერის ნიკოლა სარკოზის მამა პალ სარკოზი, რომელიც ამ დღეებში მოსკოვში, პრეჩისტინკაზე არსებულ ზურაბ წერეთლის ხელოვნების გალერეაში საკუთარი ნამუშევრების გამოფენას მართავს.
აღსანიშნავია, რომ ნიკოლა სარკოზის მამა, მხატვარი პალ სარკოზი რუსეთის სამხატვრო აკადემიის საპატიო წევრია, რომლის პრეზიდენტიც თავად ზურაბ წერეთელი გახლავთ…
რუსულ მედიასთან საუბრისას პალ სარკოზი აცხადებს, რომ მხატვრობაში, რომელითაც ის საკმაოდ მოგვიანებით დაინტერესდა, ბევრი რამ თავისი მეგობრისგან, ზურაბ წერეთლისგან ისწავლა.
პალ სარკოზის შემოქმედების ძირითადი ნაწილი ქალებს ეძღვნება… ის არ მალავს, რომ მას თავისი ვაჟივით ძალიან უყვარს ქალები და ამჟამად მასზე გაცილებით ახალგაზრდა ქალბატონთან მეოთხე ქორწინებაში იმყოფება.
www.timer.ge
