“ნაციონალური მოძრაობის” წევრმა ნიკა მელიამ პარტიის მიერ 21 მარტის დაანონსებულ აქციასთან დაკავშირებით თბილისის მერიაში შეტყობინება შეიტანა. მელიას განმარტებით, ხელისუფლების უპასუხისმგებლობა არის უმძიმესი სოციალური ფონის მიზეზი ამ ქვეყანაში.
“ხელისუფლების უპასუხისმგებლობა, უუნარობა და უამრავი სხვა მანკირება არის უმძიმესი სოციალური ფონის მიზეზი ამ ქვეყანაში. ძალიან სიმბოლურია როცა კანონის თანახმად აი ამ სამაგალითოდ უუნარო და კორუმპირებული თანამდებობის პირებს ეცნობათ აქციის ჩატარების დრო და ადგილი რადგანაც ხელისუფლებას დღემდე ვერ გაუგია რატომ არის საზოგადოება უკმაყოფილო და აღშფოთებული, ხელისუფლებას მიაჩნია რომ ყველაფერი არის კარგად და ყველაფერი ვითარდება. 21 მარტს 4 საათზე ვარდების მოედნაზე ეს ხელისუფლება დაინახავს და დარწმუნდება რომ საზოგადოება სრულიად საპირისპირო ფიქრობს”,– განაცხადა ნიკა მელიამ.
