მთავარ პროკურატურაში ნიკა გვარამიას განცხადებასთან დაკავშირებით მოკვლევა დაიწყო. აღნიშნულ ინფორმაციას პროკურატურაში ადასტურებენ.
“ნიკა გვარამიას მიმართ იძულების განხორციელების ფაქტზე გამოძიება დაიწყო და მას მოწმის სახით დაკითხავენ.
ნიკა გვარამიას საჯარო განცხადების საფუძველზე პროკურატურის საგამოძიებო ნაწილში დაიწყო გამოძიება მის მიმართ იძულების განხორციელების ფაქტზე, 150-ე მუხლის პირველი ნაწილით. უმოკლეს დროში მოხდება ნიკა გვარამიას მოწმის სახით დაკითხვა”,- განმარტავენ პროკურატურაში.
