ნაძალადევის რაიონში ახალი საბავშვო ბაღის მშენებლობა დაიწყო. საძირკველში თბილისის მერმა სიმბოლურად კაფსულა ჩადო.
ბაღი 400-მდე ბავშვის მიღებას შეძლებს. 6 ათასი კვ/მ მიწის ფართობზე ორსართულიანი შენობა აიგება.
მშენებლობა 2016 წელს უნდა დასრულდეს. სკოლამდელი აღზრდის დაწესებულებაში 65 ადამიანი დასაქმდება. ბაღი მიტინგის ქუჩის პირველ ნომერში წლების განმავლობაში არსებობდა, თუმცა ავარიული შენობის დემონტაჟი გახდა აუცილებელი.
დავით ნარმანიას განცხადებით, ეს მე-7 ბაღია, რომელიც მისი მერობის დროს შენდება.