ნაციონალური მოძრაობის ანტიკორუფციულმა კომისიამ მუშაობა ვანში დაიწყო. საპარლამენტო უმცირესობა 3 დღის განმავლობაში დარჩება ვანში. ნაციონალურ მოძრაობაში ამბობენ, რომ ადგილობრივ თვითმმართველობაში ნეპოტისტურ და კორუფციული გარიგების ფაქტებს გამოავლენენ.
ნაციონალურმა მოძრაობის წარმომადგენლებმა ქალაქის ცენტრში ბანერი გამოფინეს, რომელზეც შემდეგი წარწერაა მითითებული – “ვანის გამგებელი, ვანის მუნიციპალიტეტის საკრებულოს თავმჯდომარე – ბიუჯეტის ქურდები”.
„ვანის რაიონი გახლავთ ბიძინა ივანიშვილის ე.წ. პირადი ტერიტორია, იმიტომ, რომ გამგებლად დანიშნეს კახა კალაძის ოჯახის წევრის ნათელმირონი, საკრებულოს თავმჯდომარედ დანიშნულია ივანიშვილის „ქართუ ბანკის“ ხელმძღვანელის ბიძაშვილი ლილუაშვილი,“-განაცხადა ლევან ბეჟაშვილმა.
ნაციონალურ მოძრაობას გამოეხმაურა ვანის გამგებელი, რომელიც ნეპოტიზმის ფაქტებს უარყოფს, თუმცა ადასტურებს, რომ რამდენიმე სამსახურში მისი სიძე, და და მეუღლე მუშაობენ.