განახლებული ინფრასტრუქტურა გარემოსა და ბუნებრივი რესურსების დაცვის მინისტრმა ელგუჯა ხოკრიშვილმა დაათვალიერა.
მტირალას ეროვნულ პარკში ვიზიტორთა ცენტრი, ტურისტული თავშესაფარი, საკემპინგე, საკარვე ადგილები და ზიპლაინი მოეწყო. მინისტრის ინფორმაციით კავკასიის ბუნების ფონდის(WWF)-ის მხარდაჭერით ხორციელდება რამდენიმე პროექტი, რომელშიც ჩართულია ადგილობრივი მოსახლეობა.
კერძოდ, ადგილობრივები მტირალას ეროვნულ პარკში მისულ ტურისტებს ადგილობრივ პროდუქციას მიაწვდიან. დაგეგმილია, ასევე მცირე გრანტების პროგრამის ხელშეწყობით საოჯახო ტიპის სასტუმროების განვითარებაც.
