ფინანსთა მინისტრ ნოდარ ხადურის განცხადებით, უკვე სექტემბრისთვის გახდება ცნობილი, თუ როგორ უნდა მოხდეს მოგების გადასახადის რეფორმირება და მისი ესტონურ მოდელზე გადასვლა.
როგორც ნოდარ ხადური აცხადებს, აღნიშნულ საკითხზე სიჩქარე არ ღირს, რადგან ბიუჯეტში მოგების გადასახადიდან დაახლოებით 900 მილიონი ლარი შედის.
„ზოგადად, მოგების გადასახადის რეფორმირება და მისი ესტონური მოდელის განხილვა მიმდინარეობს, მაგრამ სიჩქარე არ გვეგების, რადგან მოგების გადასახადიდან ბიუჯეტში შემოდის დააახლოებით 900 მილიონი ლარი. თუ ჩვენ ამ წუთს ამ გადასახადს გავაუქმებთ, ეს ნიშნავს, რომ ბიუჯეტი დაახლოებით 900 მილიიონი ლარით უნდა შევამციროთ. ალბათ სექტემბრისთვის წარმოვადგენთ მოდელს, თუ როგორ უნდა მოხდეს ესტონურ მოდელზე გადასვლა“, – განაცხადა ხადურმა.
