სილამაზის კონკურსი „მის ამაზონი 2015“ სკანდალურად დასრულდა. დაჯილდოების დროს გამარჯვებულ კონკურსანტს, 20 წლის კაროლინა ტოლედოს კონკურენტმა და მეორე ადგილზე გასულმა, 23 წლის შეისლეი აიალამ გვირგვინი მოგლიჯა და ის დარბაზში ისროლა.
მოგვიანებით, მან „ფეისბუქის“ პირად გვერდზე დაწერა, რომ ჩადენილ საქციელს არ ნანობს და ამ გზით კონკურსზე არსებული კორუფცია გააპროტესტა. აიალა მიიჩნევს, რომ გამარჯვებულმა ტიტული იყიდა.
