ავღანეთის მისიაში საქართველოდან 900-მდე სამხედრო მონაწილეობს, – ამის შესახებ თავდაცვის მინისტრმა მინდია ჯანელიძემ თავდაცვისა და უსაფრთხოების საპარლამენტო კომიტეტის სხდომაზე განაცხადა.
მინისტრმა კიდევ ერთხელ გაუსვა ხაზი, რომ საქართველო სამხედრო მოსამსახურეების რაოდენობით მისიაში #მეორე კონტრიბუტორი ქვეყანაა.
“ჩვენ ვაგრძელებთ კონტრიბუციას საერთაშორისო უსაფრთხოებასა და სტაბილურობაში ISAF-ის მისის დასრულების შემდეგაც და დაახლოებით 900 სამხედრო მოსამსახურით ვმონაწილეობთ გადამჭრელი მხარდაჭერის პროგრამაში, რომელიც ავღანეთში მიმდინარეობს. იქ რამდენიმე ხნის წინ პირადად ვიმყოფებოდი და ჩემი თვალით ვნახე ქართველი სამხედროების მაღალი პროფესიონალიზმი, მაღალ დონეზე შესრულებული მოვალეობები და ის თავგანწირვა, რომელსაც ისინი ყოველდღიურ საქმიანობაში აჩვენებენ. ეს შეფასებულია არა მარტო ჩვენს, არამედ ყველა საერთაშორისო პარტნიოერის მიერ, რომელიც ჩვენთან ერთად მონაწილეობს საერთაშორისო მისიაში”, – აღნიშნა ჯანელიძემ.
