საქართველოს თავდაცვის მინისტრი მინდია ჯანელიძე ადასტურებს, რომ სამხედრო პოლიციაში რეორგანიზაცია მიმდინარეობს, თუმცა ასეულობით თანამშრომლის გათავისუფლების შესახებ ინფორმაციას მინისტრი ჭორს უწოდებს.
“ამ ინფორმაციას არ ვადასტურებ. ეს არის ჭორი. სამხედრო პოლიციაში მიმდინარეობს რეორგანიზაციის და რეფორმირების პროცესი. სამხედრო პოლიციის სისტემა და სტრუქტურა იქნება აბსოლუტურად თავსებადი ნატო-ს მოთხოვნებთან. ყველა თანამშრომელს მიეცემა შანსი, რომ ახალი სტრუქტურის ფარგლებში გააგრძელოს მუშაობა”, – განაცხადა მინდია ჯანელიძემ.