ქონების საფასურის ანაზღაურების შესახებ შეთანხმებას ხელი 13-14 ივნისის სტიქიის დროს დაზარალებულმა კიდევ ერთმა ოჯახმა მოაწერა. საკუთრებაში არსებული ქონების მუნიციპალიტეტის მიერ გამოსყიდვის თაობაზე თანხმობა სვანიძის ქუჩის მცხოვრებმა სტიქიით დაზარალებულმა ახალბედაშვილების ოჯახმა განაცხადა.
„ეს გახლავთ უკვე 29-ე ხელშეკრულება, რომელიც გაფორმდა სტიქიით დაზარალებულებულებთან. ახალბედაშვილების ოჯახმა განაცხადა თანხმობა მათ საკუთრებაში არსებული ქონების მუნიციპალიტეტის მიერ გამოსყიდვის თაობაზე. მათ შესაბამისი თანხა უკვე აესახებათ მათთვის განკუთვნილ სპეციალურ ანგარიშზე“, – განაცხადა თბილისის მერიის ქონების მართვის სააგენტოს უფროსმა კარლო ლაფერაძემ.