ოსკარის 87-ე დაჯილდოებამდე სულ უფრო ცოტა დრო რჩება. „მანდარინების“ შემოქმედებითი ჯგუფი დოლბის თეატრში გასამართ ცერემონიალისთვის ემზადება.
საუკეთესო უცხოენოვანი ფილმის ნომინანტის, ესტონურ-ქართული პროექტის, მთავარი გმირებისთვის, მიშა მესხისა და გიორგი ნაკაშიძესთვის კოსტიუმებს დიზაინერი ქეთი ჩხიკვაძე ამზადებს.
22 თებერვალს, ლოს-ანჯელესში, ოსკარის ცერემონიალს გიორგი ნაკაშიძე კლასიკური სმოკინგით, ხოლო მიშა მესხი გლამურული და ორიგინალური კოსტიუმით დაესწრება.