ლონდონის ცნობილი საათი ბიგ-ბენი შესაძლებელია რამდენიმე თვით აუცილებელი რემონტის გამო გააჩერონ. ბრიტანეთის პარლამენტის სპეციალურ ანგარიშში ნათქვამია, რომ ლონდონის ერთერთი მთავარი სიმბოლო მძიმე მდგომარეობაშია და აუცილებლად საჭიროებს შეკეთებას, რომლის ღირებულება 60 მილიონი დოლარი იქნება.
რემონტის დროს საათს გააჩერებენ. საათის მექანიზმის შეკეთებას რამდენიმე თვე დასჭირდება, რაც 1859 წლის შემდეგ საათის ყველაზე ხანგრძლივი გაჩერება იქნება.