განათლების მინისტრის მოადგილე ლია გიგაური და მასწავლებელთა პროფესიული განვითარების ეროვნული ცენტრის დირექტორი გიორგი მაჩაბელი, საჯარო სკოლის დირექტორთა ტრენინგების მიმდინარეობას რუსთავში გაეცნენ.
პროგრამა „საჯარო სკოლის ადმინისტრაციულ-ფინანსური მართვის კორექცია“, რომელიც განათლებისა და მეცნიერების სამინისტროს შიდა აუდიტის დეპარტამენტისა და ცენტრის მიერ ერთობლივად შემუშავდა, მიზნად ისახავს სკოლის მოქმედი დირექტორებისთვის სკოლის ადმინისტრაციულ-ფინანსური მართვის სპეციფიკური უნარ-ჩვევების გამომუშავებას და მართვის ხარვეზების პრევენციის გზების გაცნობას.
მასწავლებელთა პროფესიული განვითარების ეროვნული ცენტრის ინფორმაციით, ტრენინგ-მოდული მიმართულია სკოლის გაძლიერებისა და ადმინისტირების ხარისხის გაუმჯობესებისკენ. წლის ბოლომდე ტრენინგს ყველა სკოლის დირექტორი გაივლის.