გიორგი მარგველაშვილმა გადაცემა არჩევანში რუსთავი2-ის წინააღმდეგ მიმდინარე კამპანიაზე ისაუბრა. პრეზიდენტის განცხადებებს დღეს დილიდან ეხმაურებიან პოლიტიკოსები.
საპარლამენტო უმრავლესობა პრეზიდენტს განცხადების მხოლოდ იმ ნაწილში ეთანხმება, სადაც სიტყვისა და გამოხატვის თავისუფლება ქვეყანაში უნდა იყოს დაცული.
თუმცა, ისინი გიორგი მარგველაშვილს არ ეთანხმებიან იმ პარალელების გავლებაში, როდესაც პრეზიდენტი ტელევიზიებთან მიმართებაში ძველი მთავრობების ქმედებებს იხსენებს.
„ფარისევლურია ნათქვამი, რომ პრეზიდენტი სააკაშვილი გადადგა, კი არ გადადგა, ამის მერე გახდა უფრო ერთმმართველი პრეზიდენტი. ეს სპექტაკლი ახლა არ არის გასახსენებელი, რადგან შესაძლოა, დღევანდელმა მთავრობამ სწორად ვერ გაიგოს ეს შენიშვნა,“ – აცხადებს რესპუბლიკელი ლევან ბერძენიშვილი.
