საქართველოს ეროვნული ვალუტა დღეს კიდევ ერთხელ გამყარდა. რამდენიმე წუთის წინ ეროვნულმა ბანკმა ახალი მონაცემები გამოაქვეყნა.
ოფიციალური ინფორმაციის თანახმად 24 სექტემბრიდან 1 ამერიკული დოლარის ფასი 2.4075 ლარი გახდება. ცვლილება ძველ კურსთან შედარებით 0, 0011 ლარია.
შეგახსენებთ, რომ ეროვნული ბანკის მიერ სავალუტო აუქციონზე 26 960 000 აშშ დოლარი გაიყიდა, რის გამოც ლარი გუშინ 4 თეთრით გამყარდა.
რაც შეეხება ევროს, ხვალიდან ეროვნული ბანკის ოფიციალური ინფორმაციის თანახმად ერთი ევროს ღირებულება 2.6841 ლარი იქნება. ლარი ევროსთან მიმართებაში გუშინაც გამყარდა.
