სახელმწიფო უსაფრთხოებისა და კრიზისების მართვის საბჭოს მდივანი მინდია ჯანელიძე, საბჭოს აპარატის თანამშრომლებთან ერთად, წუხელ სრულიად საქართველოს კათოლიკოს- პატრიარქს, უწმინდესსა და უნეტარეს ილია მეორეს შეხვდა.
სახელმწიფო უსაფრთხოებისა და კრიზისების მართვის საბჭოს ინფორმაციით, შეხვედრაზე ისაუბრეს სტიქიის სალიკვიდაციო სამუშაოების მიმდინარეობაზე. მათივე ცნობით, პატრიარქმა დადებითად შეაფასა ამ კრიზისულ სიტუაციაში საბჭოს მუშაობა და საბჭოს აპარატის თანამშრომლები დალოცა.