განსაკუთრებით დიდი ოდენობის ქრთამის აღების ფაქტზე დაკავებულ მიხეილ ქვირიას სამართალდამცველები მოქალაქეებისგან დანაშაულებრივი გზით 10 ათასი დოლარის აღებაში ადანაშაულებენ.
საგამოძიებო უწყების ცნობით, საბურთალოს რაიონის გაგეობის უფროსი სპეციალისტი ინდოეთის და ერაყის მოქალაქეებს თბილისში, ლისის ტბის მიმდებარე ტერიტორიაზე საბურთალოს რაიონის მუნიციპალიტეტის საკუთრებაში არსებული 6 ათას 300 კვ.მ მიწის ნაკვეთის შესაძენად აუქციონის მომზადებისა და ჩატარების უზრუნველსაყოფად დახმარებას დაჰპირდა, რის სანაცვლოდაც მან ქრთამი აიღო.
გამოძიება დიდი ოდენობით ქრთამის აღების ფაქტზე მიმდინარეობს, რაც 7-დან 11 წლამდე თავისუფლების აღკვეთას ითვალისწინებს.
