კორუფციის ფაქტი გარდაბნის მუნიციპალიტეტში. ქრთამის აღების და ქრთამის აღებაში დახმარებისთვის ანტიკორუფციულმა სააგენტომ 2 პირი დააკავა.
მათ შორის ერთ-ერთი ინფრასტრუქტურის მშენებლობისა და სივრცითი მოწყობის განყოფილების მთავარი სპეციალისტია, რომელმაც გამოძიების ინფორმაციით, სამშენებლო პროექტის დაჩქარებული წესით დამტკიცებისთვის 300 ლარი მოითხოვა. თანხა მან მეორე ბრალდებულის შპს არქიმედეს დირექტორის დახმარებით აიღო.