ზუგდიდში, ცენტრალური ბულვარის მიმდებარე ტერიტორიაზე, ახალი სასტუმროს წინ, ასწლოვანი ხეები მოჭრეს. ამ ფაქტს მოსახლეობის პროტესტი და ნეგატიური გამოხმაურებები მოჰყვა.
“ყოჩაღ ბიჭებო, ნაცებს არ ჩამორჩეთ, აბა თქვენ იცით! თუმცა, თქვენც ხომ ნაცები ხართ! იქნებ ჭადრების ხეივანიც გაკაფოთ, არ გიფიქრიათ?!” – ასე ეხმიანება “დაიცავი საქართველოს” სამეგრელოს ორგანიზაციის ლიდერი კახა მიქაია ხეების მოჭრის ფაქტს.
რამდენიმე წლის წინ ზუგდიდის ცენტრალურ ქუჩებზე მრავალწლიანი ხეების მოჭრა კახა მიქაიამ ქალაქის ცენტრალურ ბულვარში, ხეებზე დაკიდებულ ჰამაკში ჩაწოლით და ერთდღიანი შიმშილობის აქციით გააპროტესტა.
